نئين دهلي: ڀارت کان هڪ ڇرڪائيندڙ خبر آئي آهي جتي هڪ شخص جيڪو مٿي تي سخت زخم لڳڻ سبب فوت ٿي ويو هو اوچتو ”زنده“ ٿي ويو. پرڏيهي خبر ايجنسي جي مطابق هندستان جي رياست ڪيريلا ۾ هڪ شهري مٿي تي شديد زخم سبب فوت سمجهيو پئي ويو پر اصل ۾ هو جيئرو هو. اهڙو انڪشاف پوليس پاران لاش جا فوٽو ڪڌڻ لاء گهرايل فوٽو گرافر پاران ڪيو ويو. رپورٽ مطابق جڏهن ’ٽامي ٿامس‘ نالي هڪ فوٽوگرافر تصوير ڪڍڻ شروع ڪيون ، ته هن شهري جي جسم ۾ هڪ معمولي حرڪت ڏٺي ۽ هن کي پنهنجي سانهن جي گرمي به محسوس ٿي. فوٽوگرافر صورتحال کي ڏسي ورتو ۽ پوليس کي اطلاع ڪيو ، جنهن کانپوءِ معلوم ٿيو ته هو واقعي زنده هو ، اهلڪارن کيس اسپتال پهچايو جتي کيس طبي علاج ڏنو ويو.
