لاهور : پاڪستاني شوبز انڊسٽري جي مشهور ميزبان ۽ اداڪاره ڊاڪٽر شائستا لوڌي ٻارن جي زندگين کي بهتر بڻائڻ لاءِ ڏنل قربانين بابت ڳالهايو آهي.شائستا لوڌي تازو ئي هڪ خانگي ٽي وي پروگرام ۾ شرڪت ڪئي جتي کانئس پڇيو ويو ته ڇا سندس ٻارن جي رويي ۾ ڪا تلخي آهي ڇاڪاڻ ته هو هميشه ڪم ۾ مصروف رهندي آهي.هن سوال جو جواب ڏيندي هن چيو ته ٽئي ٻار منهنجي طاقت آهن ۽ انهن کي منهنجي ڪم سان ڪڏهن به ڪا پريشاني نه ٿي آهي.اداڪاره چيو ته هن کي محسوس ٿيو ته جيڪڏهن هوءَ ٿورو گهٽ ڪم ڪري ها ته پنهنجي ٻارن سان وڌيڪ وقت گذاري سگهي ها، پر ڪم ڪرڻ هڪ ضرورت هئي.هن چيو ته منهنجي ڪم جي ڪري، اسان جي زندگي جو معيار بدلجي ويو آهي، تنهنڪري اسان کي پنهنجي ٻارن جي زندگين کي بهتر بڻائڻ لاءِ ڪجهه قربانيون ڏيڻيون پونديون. شائستا لوڌي چيو ته هاڻي مون کي ڪم ڪرڻ جي ايتري عادت ٿي وئي آهي جو جيڪڏهن منهنجي سامهون 6 ڪم هجن ته مون کي لڳي ٿو ته مان اهي سڀ ڪري سگهان ٿي.
