آءِ ايم ايف پاڪستان ۾ غير معمولي ناڪاري خطرن بابت خبردار ڪري ڇڏيو، آءِ ايم ايف پاڪستان بابت پنهنجي اسٽاف رپورٽ ۾ چيو آهي ته نئين حڪومت اسٽينڊ باءِ ارينجمينٽ پاليسيز جاري رکڻ جي عزم جو اظهار ڪيو آهي، پر پاڪستان ۾ سياسي بي يقيني برقرار آهي ۽ معيشت لاءِ ناڪاري خطرا غير معمولي طور وڌيڪ آهن، رپورٽ ۾ خبردار ڪندي چيو ويو آهي ته پاليسين تي عمل نه ڪيو ويو ته سياسي مونجهارا ۽ پرڏيهي فنانسنگ مٽا سٽا واري شرح تي دٻاءُ وجهي سگهن ٿا، شين جي ڳرين قيمتن، شپنگ ۾ رنڊڪن يا سخت عالمي مالياتي حالتن سبب ملڪ جون حالتون وڌيڪ خراب ٿي سگهن ٿيون
