سکر: سنڌ هاءِ ڪورٽ سکر بينچ 40 کان گهٽ مارڪون کڻندڙ آءِ بي اي ٽيسٽ پاس اميدوارن کي ماستريءَ جا آرڊر جاري نه ڪرڻ جو حڪم ڏئي ڇڏيو
ڀرتين ۾ نظرانداز ڪيل اميدوارن جي درخواست تي سنڌ هاءِ ڪورٽ جي 2 رڪني بئنچ ٻڌڻي هلائي، عدالت سيڪريٽري تعليم کي هارڊ ايريا ڄاڻايل علائقن جو 26 جنوري تائين ريڪارڊ پيش ڪرڻ جو حڪم ڏئي ڇڏيو
درخواست گذارن جي وڪيل دليل ڏيندي چيو ته 40کان 55 مارڪون کڻندڙن کي نظرانداز ڪري 40 کان گهٽ مارڪون کڻندڙ اميدوارن کي ڀرتي ڪيو پيو وڃي
عدالت چيو ته حڪومت ڪجهه علائقن کي هارڊ ايريا ڊڪليئر ڪري گهٽ مارڪون کڻندڙ اميدوارن کي ڀرتي ڪيو آهي
جسٽس صلاح الدين پنهور ريمارڪس ڏيندي چيو ته تعليم جي حوالي سان سموري سنڌ هارڊ ايريا بڻيل آهي، ڪورٽ روم ۾ موجود ماڻهن مان ڪنهن جا به ٻار سرڪاري اسڪولن ۾ نه ٿا پڙهن