ڪراچي : سنڌ سرڪار نيٺ ڏنگي ۽ ٻُنڊاڙ ٻيٽ تي شهر اڏڻ لاءِ وفاقي سرڪار کي جاري ڪيل اين او سي واپس وٺي ڇڏي، سيڪريٽري لينڊ طرفان وفاقي سرڪار ڏانهن نئون ليٽر جاري، ليٽر ۾ آئيلينڊ اٿارٽي جي آرڊيننس کي غيرآئيني قرار ڏيندي چيو ويو آهي ته وفاقي سرڪار سنڌ جي حدن سان هٿ چراند ڪئي آهي، آرڊيننس آئين جي آرٽيڪل 172 جي کُليل نموني ڀڃڪڙي آهي، سنڌ حڪومت طرفان وفاقي سرڪار کان صدارتي آرڊيننس فوري طور واپس وٺڻ جو مطالبو ڪيو ويو آهي.
