اسلام آباد : وفاقي وزير خزانه سينيٽر محمد اورنگزيب جو چوڻ آهي ته معاشي استحڪام مشڪل فيصلن جي نتيجي ۾ حاصل ٿيو، پاڪستان کي واپس عروج ۽ زوال جي معاشي چڪر ۾ وڃڻ جي اجازت نه ڏني ويندي.اسلام آباد ۾ هڪ تقريب کي خطاب ڪندي ناڻي واري وزير چيو ته ايف بي آر جي ٽيڪس وصولين ۾ نمايان واڌ ٿي آهي، گذريل سالن ۾ ايف بي آر جي آمدني چاليهه سيڪڙو وڌي آهي، ايف بي آر جو ٽيڪس کان جي ڊي پي تناسب 8.8 سيڪڙو کان وڌي 10.3 سيڪڙو ٿي ويو آهي، ۽ مجموعي خسارو 12.5 سيڪڙو کان گهٽجي 2.6 سيڪڙو ٿي ويو آهي.هن چيو ته سيڙپڪاري کي فروغ ڏيڻ لاءِ سهولتون فراهم ڪيون پيون وڃن، معاشي استحڪام مشڪل فيصلن جي نتيجي ۾ حاصل ٿيو، ان کي مستقل بڻائڻو پوندو، پاڪستان کي عروج ۽ زوال جي معاشي چڪر ۾ واپس وڃڻ نه ڏنو ويندو، معاشي استحڪام کي پائيدار ترقي ڏانهن وڌڻو پوندو، ۽ انفراسٽرڪچر سڌارن تي عمل درآمد جاري رکڻو پوندو.هن چيو ته اسان کي خانگي شعبي کي ملڪ جي معاشي قيادت جو ڪردار ادا ڪرڻ جي قابل بڻائڻو آهي، خانگي شعبي جي سرمائي کي متحرڪ ڪرڻ معاشي ترقي لاءِ اهم آهي، اسان پائيدار معاشي استحڪام لاءِ ڍانچي سڌارن جي ايجنڊا تي عمل ڪري رهيا آهيون، پبلڪ پرائيويٽ پارٽنرشپ ۽ پرائيويٽائيزيشن ذريعي سيڙپڪاري کي فروغ ڏيڻ ممڪن آهي، پي پي پي ذريعي انفراسٽرڪچر ۽ پبلڪ سروس منصوبن ۾ خانگي سيڙپڪاري کي وڌائڻو پوندو.ناڻي واري وزير چيو ته نجڪاري جي عمل ۾ شفافيت، ڪارڪردگي ۽ سيڙپڪارن جي اعتماد کي ترجيح ڏني ويندي، سيڙپڪاري کي فروغ ڏيڻ لاءِ سهولتون فراهم ڪيون پيون وڃن، معاشي ترقي لاءِ حڪومت ۽ خانگي شعبي جي وچ ۾ ڀائيواري کي وڌيڪ مضبوط ڪرڻ گهرجي.هن چيو ته مختصر مدت ۾ ٽيڪس کان جي ڊي پي تناسب کي 11 کان 12 سيڪڙو تائين وڌائڻو پوندو. گذريل مالي سال ۾ آئي ٽي سروسز جي برآمدات 4.6 بلين ڊالر هئي. فري لانسرز آئي ٽي برآمدات ۾ 1.6 بلين ڊالر جو حصو وڌو. سامان جي برآمدات تقريبن 30 بلين ڊالر تي رهي. هن شعبي ۾ وڌيڪ ڪم ڪرڻ جي ضرورت آهي. توانائي، سرڪاري ادارن، ٽيڪس ۽ پرائيويٽائيزيشن جي شعبن ۾ سڌارا جاري آهن.
تبصرے بند ہیں۔