اسلام آباد : پاڪستان جي مقابلي واري ڪميشن (سي سي پي) شمسي شعبي ۾ مقابلي ۽ سيڙپڪاري ۾ رڪاوٽن جي نشاندهي ڪئي آهي.سي سي پي شمسي مارڪيٽ تي هڪ رپورٽ جاري ڪئي آهي، جنهن ۾ سڌارن لاءِ ٺوس قدمن جي تجويز ڏني وئي آهي.بيان موجب، سي سي پي بجلي جي ٽرانسميشن سسٽم ۾ فوري بهتري جي ضرورت تي زور ڏنو ۽ جديد ميٽرنگ ۽ گرڊ سسٽم متعارف ڪرائڻ جي سفارش ڪئي.بيان موجب، سي سي پي سستي بجلي لاءِ مقابلي واري نظام جي نفاذ کي تيز ڪرڻ جي سفارش ڪئي ۽ غير معياري شمسي سامان کي روڪڻ لاءِ سخت قدم کڻڻ جي تجويز ڏني.بيان موجب، سي سي پي ڳوٺاڻن علائقن تائين شمسي سهولتن کي وڌائڻ جي سفارش ڪئي ۽ چيو ته بيٽري ٽيڪنالاجي جي واڌاري سان گرڊ تي دٻاءُ گهٽجي سگهي ٿو.بيان ۾، سي سي پي شمسي پينل جي مقامي پيداوار جي واڌاري تي زور ڏنو ۽ هڪ قومي شمسي رجسٽري جي قيام جي سفارش ڪئي.سي سي پي عوامي صلاح مشوري لاءِ ڪميشن جي ويب سائيٽ تي مسودو رپورٽ جاري ڪئي آهي.
تبصرے بند ہیں۔