ڪراچي: لياري فٽبال اڪيڊمي ٽيم سانگا ڪپ 2025 ۾ تاريخي ڪاميابي کانپوءِ وطن واپس پهچي وئي.لياري جي نوجوان فٽبالرن ۽ آفيسرن جو، جن ايشيا جي سڀ کان وڏي يوٿ فٽبال ٽورنامينٽ ۾ چانديءَ جو تمغو کٽيو، ڪراچي انٽرنيشنل ايئرپورٽ تي گرمجوشي سان استقبال ڪيو ويو. مداحن انهن کي گلن جي هار پارائي ۽ گلن جي پنکڙين سان نوازيو. ماحول “پاڪستان زنده باد” جي نعرن سان گونجي ويو.سنڌ اسيمبلي جي ميمبر محمد فاروق ايئرپورٽ تي رانديگرن جو استقبال ڪيو. هن رانديگرن جي بين الاقوامي سطح تي شاندار ڪارڪردگي جي تعريف ڪئي ۽ چيو ته اهي رانديگر نه رڳو لياري پر سڄي پاڪستان جو فخر آهن، جن تمام محدود وسيلن ۽ مالي مشڪلاتن جي باوجود ملڪ کي مشهور ڪيو آهي.لياري فٽبال اڪيڊمي جي صدر شيخ عبدالرحمان چيو ته سنڌ حڪومت ۽ صوبائي راندين واري وزير سردار محمد بخش مهر کي سانگا ڪپ 2025 ۾ چانديءَ جو تمغو کٽيندڙ باصلاحيت رانديگرن جي مڪمل سرپرستي ۽ مالي مدد ڪرڻ گهرجي ته جيئن اهي نوجوان مستقبل ۾ قومي ۽ بين الاقوامي سطح تي پاڪستان جو جهنڊو وڌيڪ بلند ڪري سگهن.ان موقعي تي جماعت اسلامي جا اڳواڻ سفيان دلاور، سيد جواد شعيب، جان محمد بلوچ، زوهيب حسين بلوچ ۽ ٻيا پڻ موجود هئا.
تبصرے بند ہیں۔