ڪوئيٽا : ڪوئيٽا ۾ جاري آل پاڪستان سي ايم گولڊ ڪپ ميچ دوران افغان فٽبال ڪلب چمن جو رانديگر مجيد خان جونيئر نامعلوم حملي آورن جي فائرنگ ۾ زخمي ٿي پيو ۽ کيس فوري طور تي اسپتال منتقل ڪيو ويو. تفصيل موجب، ڪوئيٽا جي ريلوي گرائونڊ تي جاري آل پاڪستان سي ايم گولڊ ڪپ فٽبال ٽورنامينٽ ۾ افغان ڪلب چمن ۽ پاڪستان پوليس جي وچ ۾ پري ڪوارٽر فائنل ميچ دوران خطرناڪ فاؤل ڪرڻ تي ريفري افغان ڪلب چمن خلاف فيصلو ڏنو.افغان ڪلب جا آفيسر ۽ حامي هن فيصلي جي احتجاج ۾ گرائونڊ ۾ داخل ٿيا. هنگامي دوران، افغان ڪلب چمن جو گول ڪيپر مجيد خان نامعلوم ماڻهن جي فائرنگ ۾ زخمي ٿي پيو ۽ کيس فوري طور تي طبي امداد لاءِ اسپتال منتقل ڪيو ويو.
