ڪراچي : ڪراچي جي ڊفينس فيز 6 علائقي مان اداڪاره حميرا اصغر جي لاش ملڻ کان پوءِ شروع ڪيل جاچ جي نتيجي ۾ نئين معلومات سامهون اچي رهي آهي.ان حوالي سان ڊي آءِ جي سائوٿ اسد رضا چيو آهي ته لاش شايد 6 مهينا پراڻي آهي، فليٽ ۾ مليل کاڌي پيتي جي شين تي ايڪسپائري ڊيٽ 2024 آهي.ڊي آءِ جي سائوٿ چيو ته اداڪاره جي فون ريڪارڊ ۾ آخري پيغام به آڪٽوبر 2024 جا آهن، اداڪاره جي موبائل فون ۾ آخري پيغام هڪ آن لائن ٽيڪسي ڊرائيور جو آهي. هن چيو ته اداڪاره جي گهر ۾ بجلي به ڪافي عرصي کان بند هئي، حميرا اصغر جو فليٽ جي مالڪ سان آخري رابطو به 2024 ۾ ٿيو هو.اسد رضا چيو ته وڌيڪ جاچ لاءِ پوسٽ مارٽم رپورٽ جو انتظار آهي، جنهن ۾ هڪ کان ٻه ڏينهن لڳي سگهن ٿا. قانوني ڪارروائي کان پوءِ لاش کي ڪولڊ اسٽوريج ۾ منتقل ڪيو ويو آهي. ڊي آءِ جي سائوٿ چيو آهي ته خاندان اڄ لاش وصول ڪرڻ لاءِ مرده خاني پهچندو.
