اسلام آباد: آءِ ايم ايف جي ٽيم ايندڙ مالي سال جي بجيٽ جي تياري جي سلسلي ۾ سڀاڻي 4 اپريل کان پاڪستان جو دورو ڪندي.
مالي سال 26-2025 جي بجيٽ جي تياري جي سلسلي ۾ آءِ ايم ايف جو وفد سڀاڻي کان پاڪستان جي دوري تي ايندو، ذريعن موجب وفد ايندڙ مالي سال جي بجيٽ خاص طور تي ٽيڪس روينيو قدمن، خرچن تي ڪنٽرول ۽ ٻين ترقياتي خرچن جي بجيٽ جي حوالي سان پاڪستاني اختيارين سان ڳالهيون ڪندو.
ذريعن ٻڌايو آهي ته ايندڙ مالي سال جو وفاقي بجيٽ جون جي پهرين هفتي ۾ پيش ڪيو ويندو ۽ انهي کان اڳ بجيٽ کي حتمي شڪل ڏيڻ جي لاءِ آءِ ايم ايف جي ٽيم پاڪستاني اختيارين سان گڏجي تجويزون تيار ڪندي
