ڪوئٽه: ڪوئٽه کان عيد اسپيشل ٽرين 400 کان وڌيڪ مسافرن کي کڻي پشاور لاءِ روانو ٿي وئي آهي، مسافرن ٽرين سروس بحال ٿيڻ تي خوشي جو اظهار پڻ ڪيو آهي.
ريلوي اختيارين موجب 9 بوگين تي ٻڌل عيد اسپيش: ٽرين 400 مسافرن کي کڻي پشاور جي لاءِ رواني ٿي، ٽرين جي حفاظت لاءِ سيڪيورٽي جا فول پروف انتظام ڪيا ويا، ٽرين جي اندر پوليس ۽ ايف سي جي وڏي نفري مقرر آهي جڏهن ته ريلوي اسٽيشن تي به سيڪيورٽي جا سخت انتظام ڪيا ويا آهن.
ريلوي اختيارين وڌيڪ ٻڌايو آهي ته ڪوئٽه کان روانو ٿيل عيد اسپيشل ٽرين سڀاڻي شام پشاور پهچندي جڏهن ته ڪوئٽه کان ڪراچي جي لاءِ بولان ميل کي 31 مارچ کان روزاني هلايو ويندو.