اڳوڻي وزيراعظم شهيد ذوالفقار علي ڀٽو جي ورسي: سنڌ حڪومت 4 اپريل تي عام موڪل جو اعلان ڪري ڇڏيو

ڪراچي: سنڌ حڪومت اڳوڻي وزيراعظم شهيد ذوالفقار علي ڀٽو جي ورسي جي موقعي تي سموري سنڌ ۾ عام موڪل جو اعلان ڪري ڇڏيو آهي.

سنڌ حڪومت طرفان اڳوڻي وزيراعظم شهيد ذوالفقار علي ڀٽو جي ورسي جي موقعي تي 4 اپريل تي سموري صوبي ۾ عام موڪل جو اعلان ڪيو ويو آهي.

سنڌ حڪومت طرفان جمعي 4 اپريل تي صوبي ۾ عام موڪل جو نوٽيفڪيشن پڻ جاري ڪيو ويو آهي. چيف سيڪريٽري سنڌ  آصف حيدر شاهه طرفان جاري ڪيل نوٽيفڪيشن موجب ذوالفقار علي ڀٽو جي ورسي جي موقعي تي جمعو 4 اپريل تي صوبائي حڪومت جي تحت هلندڙ سمورا ادارا بند رهندا.

نوٽيفڪيشن ۾ ٻڌايو ويو آهي ته صوبائي حڪومت جي ماتحت هلندڙ خودمختار، نيم خودمختار ادارا، ڪارپوريشن ۽ لوڪل ڪونسلز جون آفيسون به بند رهنديون.

شهيد ذوالفقار علي ڀٽو جي ورسي جي موقعي تي پيپلز پارٽي طرفان 4 اپريل تي ڳڙهي خدا بخش ڀٽو ۾ تعزيتي جلسو منعقد ڪيو ويندو جنهن ۾ سموري ملڪ جا جيالا شرڪت ڪندا.