اسلام آباد : بحرين جي ايوان نمائندگان جي 11 رڪني وفد وزيراعظم شهباز شريف سان ملاقات ڪئي.بحرين جي وفد جي اڳواڻي ايوان نمائندگان جي اسپيڪر احمد بن سلمان المسالم ڪري رهيو هو.وزيراعظم بحرين جي بادشاهه حمد بن عيسيٰ بن سلمان الخليفا لاءِ نيڪ خواهشن جو اظهار ڪيو.ان موقعي تي ڳالهائيندي شهباز شريف چيو ته پاڪستان ۽ بحرين جا ڀائراڻا لاڳاپا تمام مضبوط آهن ۽ گڏيل عقيدي، تاريخ ۽ ثقافت تي ٻڌل آهن.هن چيو ته عوامي رابطن کي وڌيڪ مضبوط ڪرڻ لاءِ پارلياماني وفدن جي مٽاسٽا انتهائي اهم آهي.وزيراعظم شهباز شريف بحرين جي سيڙپڪارن کي پاڪستان ۾ سيڙپڪاري جي دعوت ڏني.شهباز شريف پاڪستان ۽ بحرين جي وچ ۾ موجوده واپاري حجم کي وڌيڪ وڌائڻ جي ضرورت تي زور ڏيندي چيو ته بحرين ۾ پاڪستاني تمام اهم خدمتون سرانجام ڏئي رهيا آهن.هن چيو ته پاڪستان، بحرين ۽ مسلم امت کي غزه ۽ فلسطين جي مدد لاءِ پنهنجون ڪوششون تيز ڪرڻ گهرجن.
