بيجنگ: تبت ۾ 7.1 شدت جي زلزلي سبب ڪيتريون ئي عمارتون ڊهي پٽ ٿي ويون، 53 ڄڻا فوت ۽ 62 زخمي ٿي پيا،عالمي ميڊيا رپورٽن موجب اڄ صبح ڀارت جي تبت، نيپال، اتر ۽ اتر اوڀر وارن علائقن ۾ زلزلي جا شديد لوڏا محسوس ڪيا ويا،عالمي ميڊيا موجب زلزلو چين ۾ مقامي وقت موجب صبح 9 لڳي 5 منٽن تي آيو، چائنا ارٿ ڪوئڪ نيٽ ورڪ سينٽر موجب زلزلي جو مرڪز ٽنگري ڪائونٽي هو، جڏهن ته ان جي گهرائي 10 ڪلوميٽر رڪارڊ ڪئي وئي،زلزلي سبب ڪيتريون ئي عمارتون تباهه ٿي ويون،زلزلي کانپوءِ ڪيترائي آفٽر شاڪس رڪارڊ ڪيا ويا، جن مان سڀ کان وڏي شدت 4.4 هئي،نيپال جي راڄڌاني کٽمنڊو، ڀوٽان ۽ ڀارت ۾ به زلزلي جا لوڏا محسوس ڪيا ويا،چائنا ارٿ ڪوئڪ نيٽورڪ سينٽر موجب چين ۾ زلزلي جي شدت 6.8 هئي،چيني خبرون ڏيندڙ اداري موجب تبت جي ٽنگري ڪائونٽي جي هڪ ڳوٺ ۾ گهر ڊهي پٽ ڪرڻ سبب ماڻهن جي فوت ۽ زخمي ٿيڻ جا اطلاع آهن،ٻئي طرف ڀارتي رياست بهار ۾ زلزلي جي شدت 5.1 رڪارڊ ڪئي وئي،زلزلو ڀارتي مقامي وقت موجب صبح 6 لڳي 40 منٽن تي آيو، جنهن جي شدت 5 سيڪنڊن تائين عمارتون لرزنديون رهيون،ڀارت ۾ زلزلي سبب ڪنهن به جاني يا مالي نقصان جا اطلاع ناهن مليا،آمريڪي جيولوجيڪل سروي موجب تبت ۾ 7.1 جي شدت سان زلزلو رڪارڊ ڪيو ويو آهي.متاثره علائقي ۾ زلزلا عام آهن، ڇو ته هي علائقو هڪ وڏي جيولوجيڪل فالٽ لائين تي واقع آهي. Shigatse تبت جي مقدس ترين شهرن مان هڪ سمجهيو ويندو آهي. اها پنچن لاما جي روايتي سيٽ آهي، تبتي ٻڌمت جي هڪ اهم شخصيت جنهن جي روحاني صلاحيت صرف دلائي لاما کان پوء ٻئي نمبر تي آهي. ٽنگري ڪائونٽي، زلزلي جي مرڪز جي ويجهو آهي، هي شهر مائونٽ ايورسٽ تي چڙهڻ ۽ سياحت لاءِ به مشهور آهي. ٽنگري ۾ مائونٽ ايورسٽ جي اڱاري جي صبح لاء مقرر ڪيل دورا رد ڪيا ويا آهن ۽ سياحتي مقام مڪمل طور تي بند ڪيو ويو آهي.
