ڪيپ ٽائون : ڏکڻ آفريڪا پاڪستان خلاف ٻي ٽيسٽ ميچ جي پهرين اننگز ۾ 615 رنز ٺاهي آئوٽ ٿي وئي.
ڏکڻ آفريڪا ٻئي ڏينهن پنهنجي پهرين اڻپوري اننگز جي شروعات 316 رنز 4 رانديگر آئوٽ کان ڪئي.
ريان رڪلٽن 259 رنسون ٺاهي مير حمزا جي بال تي آئوٽ ٿي ويو.
پروٽيز طرفان ڪپتان ٽيمبا باووما 108، ڪائل ويرن 100، مارڪو ينيسن 62، ڪيشو مهاراج 40 رنسن سان نمايان رهيا.
پاڪستان طرفان محمد عباس ۽ سلمان آغا 3، 3 وڪيٽون ورتيون، جڏهن ته مير حمزا ۽ خرم شهزاد جي حصي ۾ 2، 2 وڪيٽون آيون.
پهريون ڏينهن
ڪيپ ٽائون جي نيولينڊز ڪرڪيٽ اسٽيڊيم ۾ ڏکڻ آفريڪي ڪپتان ٽيمبا باووما ٽاس کٽي پهريان بيٽنگ جو فيصلو ڪيو ۽ پهرئين ڏينهن راند جي پڄاڻي تائين 4 وڪيٽن جي نقصان تي 316 رنز ٺاهيون هيون.
