وقت سدائين اڳتي ويندو آهي پر نئين سال سان جڙيل هانگ ڪانگ کان لاس اينجلس جو فضائي سفر مسافرن کي پوئين سال ۾ واپس وٺي ويو.
هانگ ڪانگ کان لاس اينجلس ويندڙ Cathay Pacific ايئر لائن جي اڏام CX 880 جي خوش قسمت مسافرن نئين سال جو جشن ٻه ڀيرا ملهايو.
اها منفرد سفر 2025 ۾ اڏام ڀرڻ ۽ 2024 ۾ واپسي سان مڪمل ٿيو.
رپورٽن موجب هانگ ڪانگ مان جهاز پهرين جنوري سال 2025 جي رات 12 لڳي 38 منٽن تي اڏام ڀري ۽ حيران ڪندڙ ڳالهه اها آهي ته اهو جهاز لاس اينجلس ۾ 31 ڊسمبر 2024 جي رات 8 لڳي 55 منٽن تي لٿو.
حقيقت ۾ هانگ ڪانگ وقت ۾ لاس اينجلس کان 16 ڪلاڪ اڳتي آهي.
ان منفرد اڏام ۾ جڏهن مسافر ويٺا ته ان وقت هانگ ڪانگ ۾ نئون سال شروع ٿي چڪو هو ۽ جڏهن اهي لاس اينجلس ۾ لٿا ته نئين سال جي شروعات ۾ ڪجهه ڪلاڪ باقي هئا.
