سنڌ جي شاهوڪار ثقافت توڙي روايتن کي مان ڏيڻ جي گهڙي اچي وئي آهي، سنڌ اها ڌرتي آهي، جنهن جي صوفين، شاعرن ۽ سنتن هر قوم توڙي نسل کي اُتساهه ڏنو آهي: ڪراچي ۾ آمريڪي قونصل خاني پاران ايڪتا ڏهاڙي جون سنڌ واسين کي واڌايون، قونصل جنرل پاران جاري ڪيل وڊيو بيان ۾ چيو ته صوفين جي ڏسيل لازوال واٽ کان ثقافت ۽ گوناگون مذهبي احترام تائين، سنڌ ڌرتي ايڪتا، اشتراڪيت ۽ سهپ جي جذبي جو مظهر آهي، ڪراچي ۾ آمريڪي قونصل خانو هِن خاص ڏهاڙي جي خوشي ملهائڻ ۾ بهرو وٺندي سنڌ توڙي پاڪستان جي عوام کي امن، آسودگي ۽ خوشين جون واڌايون ڏيندي فخر محسوس ڪري ٿو.
