ڪراچي:موسميات کاتي سنڌ ۾ خميس ۽ جمعي تي تيز هوائون هلڻ سان گڏ کنوڻ سان برسات جي اڳڪٿي ڪري ڇڏي آهي.
موسميات کاتي موجب سڀاڻي کان 2 مارچ جي دوران سنڌ جي مختلف شهرن ۾ تيز برسات جو امڪان آهي. جنهن دوران مختلف علائقن ۾ تيز برسات سان گڏ ڳڙو به پئجي سگهي ٿو
موسميات کاتي موجب طاقتور مغربي هوائن جو سلسلو سڀاڻي کان ملڪ جي مغربي علائقن ۾ داخل ٿيندو اهو سلسلو جمعي تي ملڪ جي مختلف علائقن تائين پکڙجي ويندو ۽ ڇنڇر تائين موجود رهندو.
ٻئي طرف بلوچستان، اسلام آباد، پنجاب، خيبرپختونخواهه گلگت بلتستان ۽ ڪشمير ۾ برسات ۽ برفباري جو امڪان آهي.