پشاور: خيبرپختونخواهه مان قومي اسيمبلي جي تڪ اين اي 43 ٽانڪ ۽ ڊيره اسماعيل خان جي 6 پولنگ اسٽيشنن تي ٻيهر ووٽنگ جو عمل جاري آهي.
اليڪشن ڪميشن موجب پولنگ جو عمل صبح 8 وڳي کان شام 5 وڳي تائين بنا ڪنهن وفقي جي جاري رهندو.
اليڪشن ڪميشن موجب 7 فيبروري جي ڏينهن اين اي 43 ٽانڪ، ڊيره اسماعيل خان ۾ سيڪيورٽي صورتحال کي نظر ۾ رکندي انهن 6 پولنگ اسٽيشنن تي پولنگ نه ٿي سگهي هئي.
لاڳاپيل پولنگ اسٽيشنن تي سيڪيورٽي جا انتهائي سخت انتظام ڪيا ويا آهن ۽ پاڪ فوج جي دستن کي به مقرر ڪيو ويو آهي.
ياد رهي ته 8 فيبروري تي ٿيندڙ انهي تڪ ۾ ٿيندڙ پولنگ ۾ آزاد اميدوار داور ڪنڊي 63 هزار 556 ۽ اسد محمود 62 هزار 730 ووٽ حاصل ڪيا هئا.