ڪولمبو: ايشيا ڪپ جي سپر فور مرحلي جو اهم ميچ اڄ پاڪستان ۽ سريلنڪا وچ ۾ کيڏيو ويندو.
پاڪستان ۽ سريلنڪا وچ ۾ اڄ ٿيندڙ ميچ ڪولمبو ۾ کيڏيو ويندو. جيڪو سيمي فائنل جي حيثيت اختيار ڪري ويو آهي فائنل کيڏڻ جي لاءِ پاڪستان کي هر صورت ۾ ميچ ۾ ڪاميابي حاصل ڪرڻي پوندي
هن وقت پاڪستان ۽ سريلنڪا جي ٽيمن جا 2 ميچ کيڏي 2-2 پوائنٽس آهن ۽ اڄوڪو ميچ کٽيندڙ ٽيم فائنل ۾ پهچي ويندي.
واضح رهي ته برسات سبب جيڪڏهن ميچ نه ٿي سگهيو ته پاڪستان ۽ سريلنڪا جي ٽيمن کي هڪ هڪ پوائنٽ ملندو. اهڙي صورت ۾ سريلنڪا جي ٽيم رن ريٽ بهتر هجڻ سبب فائنل جي لاءِ ڪواليفاءِ ڪري ويندي.