تحريڪ انصاف جي اهم اڳواڻ صمصام بخاري به پارٽي ڇڏڻ جو اعلان ڪري ڇڏيو، صمصام بخاري چيو آهي ته هر محب وطن پاڪستاني جيان مان به 9 مئي جي واقعن جي مذمت ڪيان ٿو، تشدد جي سياست تي ڪڏهن به يقين نه رهيو آهي
صمصام بخاري چيو ته هي ملڪ اسان جو آهي ۽ ادارا اسان جا آهن، اڄ کان تحريڪ انصاف کان لاتعلقي ۽ ان کي ڇڏڻ جو اعلان ڪيان ٿو
ذريعن موجب صمصام بخاري جهانگير ترين سان ملاقات بعد استحڪام پاڪستان پارٽي ۾ شموليت جو فيصلو به ڪيو آهي، ذريعن موجب صمصام بخاري ڪجهه ڏينهن اندر پريس ڪانفرنس ذريعي نئين جماعت ۾ شموليت جو اعلان ڪندو