اسلام آباد: اسلام کي عظيم مذهب تسليم ڪرڻ جي حوالي سان آمريڪي ڪانگريس ۾ قرارداد پيش ڪيو ويو آهي.پرڏيهي ميديا موجب، قرارداد ٽيڪساس رياست جي نمائندي ال گرين طرفان پيش ڪيوويو آهي. ٺهراءِ جي متن ۾ چيوويو آهي ته لفظ اسلام جو مطلب خدا جي مرضي آڏو سر جهڪائڻ ۽ امن آهي، ان کانسواءِ واضح ڪيو ويو آهي ته قرآن مسلمانن ۽ غير مسلم جي وچ ۾ رواداري جي ڳالهه ڪري ٿو.رپورٽس موجب، قرارداد جي حمايت ڪندڙن ۾ ڪانگريس ميمبر، الهان عمر، راشده طيب، آندري ڪارسن شامل آهن، قرارداد ۾ آمريڪا ۾ مسلمانن جو انگ 35 لک ڄاڻايو ويو آهي.
