ڪراچي : سنڌ هاءِ ڪورٽ ۾ ايم ڪيو ايم ۽ جماعت اسلامي جي بااختيار مڪاني نظام بابت داخل درخواستن تي ٻڌڻي ٿي
عدالت مڪاني کاتي واري سيڪريٽري کي ذاتي حيثيت ۾ طلب ڪري ورتو آهي، فيصلي جي ڪاپي چيف سيڪريٽري ڏانهن موڪلڻ جي به هدايت ڪئي وئي
ٻڌڻي دوران عدالت طرفان مڪاني کاتي جي ايڊيشنل سيڪريٽري تي ڪاوڙ جو اظهار ڪيو ويو، جسٽس ڪي ڪي آغا چيو ته جيڪڏهن ڪم نٿا ڪري سگهو ته استيعفيٰ ڏئي گهر هليا وڃو
جسٽس ڪي ڪي آغا چيو ته هاڻي ڪا به مهلت نه ملندي، توهان ۽ توهان جي سيڪريٽري خلاف ڪارروائي ڪنداسين، عدالت درخواستن تي ٻڌڻي 12 جنوري تائين ملتوي ڪري ڇڏي آهي