ڇاڇرو: ڇاڇرو ۾ تازو برساتن کانپوءِ ڊينگي وائرس تيزي سان وڌڻ لڳو آهي.
ڳوٺ وائوڙي دورا ۾ ڊينگي وائرس جا وڌيڪ 3 ڪيس ۽ هڪ ڪيس ڳوٺ ڪاگيا ۾ ظاهر ٿيو، جنهن بعد هڪ هفتي ۾ ڊينگي وائرس ۾ مبتلا مريضن جو انگ وڌي 13 ٿي ويو.
ڊينگي متاثر مريض عرفان پٽ روشن نهڙي کي حيدرآباد اسپتال داخل ڪيو ويو.
ڳوٺ وائوڙي واسي دلاور پٽ رازق ۽ احسان پٽ رزاق ۽ ڳوٺ ڪاگيا جو ايسرو مل ميگهواڙ ڇاڇرو اسپتال ۾ علاج هيٺ آهن.
ٿر ۾ ڊينگي وائرس جا ڪيس وڌڻ سبب خوف پکڙيل آهي، جڏهن ته صحت کاتي مڇر مار اسپري ڪرائڻ سميت بچاءُ لاءِ ڪي به اپاءُ نه ورتا.