طالبان کي واضح چيو ته نه اسان مداخلت ڪنداسين ۽ نه ئي افغانستان مان مداخلت ٿيندي: شيخ رشيد
ڪراچي: وفاقي گهرو وزير شيخ رشيد چيو آهي ته طالبان کي واضح طور تي چيو آهي ته نه اسان مداخلت ڪنداسين ۽ نه ئي افغانستان مان مداخلت ٿيندي، نجي ٽي وي سان ڳالهائيندي شيخ رشيد چيو آهي ته چمن ۽ طورخم بارڊر تي امپورٽ ايڪسپورٽ ٿي رهي آهي، هن وقت سرحد تي پناهگيرن بابت ڪا به صورتحال ناهي، جڏهن ته اسان جي طرف اهي ماڻهو ايندا هئا جن کي اتر اتحاد ۽ ٻين قوتن سان تڪليف هئي، هن چيو آهي ته اسان جي هر قسم جي حالتن جي تياري آهي، وڌيڪ کُلي نٿو ڳالهائي سگهان، گهرو وزارت ۾ 24 ڪلاڪ ويزا جاري ٿي رهيا آهن، شيخ رشيد چيو آهي ته بندش پيل ٽي ٽي پي ۽ داعش جا ماڻهو نورستان جي جبل ۽ نگار جي علائقي ۾ آهن، جيڪي طالبان سان رابطي ۾ آهن، ڪوشش آهي ته ڪالعدم ٽي ٽي پي کي اسان جي خلاف افغان سرزمين استعمال نه ڪرڻ ڏيئي ۽ طالبان کي واضح طور تي چيو آهي ته نه اسان مداخلت ڪنداسين ۽ نه ئي افغانستان مان مداخلت ٿيندي، هن چيو آهي ته افغان بارڊر تي 98 سيڪڙو فينسنگ ٿي آهي ۽ سيڪيورٽي فورسز موجود آهي، هن وقت تائين صورتحال اطمينان جوڳي آهي، ڪالهه به طورخم بارڊر کان ڪجهه پاڪستاني واپس آيا آهن.