ڪوئٽا: سموري ملڪ ۾ چوماسي جي برساتن جو سلسلو جاري آهي. برساتن سبب حادثن جي نتيجي ۾ ٻارن سميت ڪيترائي ماڻهو حياتيون وڃائي ويٺا آهن.
گذريل ڏينهن لاهور ۾ تيز برسات سبب شادباغ ۽ سن پوره ۾ ٻه ماڙ گهر جي ڇت ڪري پئي جنهن جي ملبي هيٺيان دٻجي ٻن ٻارن ۽ ٻن عورتن سميت ڇهه ڄڻا فوت ٿي ويا هئا. اهڙي طرح جو هڪ ٻيو ڏکوئيندڙ واقعو ڪوئٽه ۾ پشين واري علائقي ۾ پيش آيو آهي جتي گهر جي ڇت ڪري پئي. ڏکوئيندڙ واقعي ۾ 4 ٻارن سميت 5 ڄڻا فوت ٿي ويا آهن.
ليويز ذريعن موجب واقعو بوستان ڪلي ويگي ۾ رات دير سان پيش آيو فوت ٿي ويلن ۾ پيءُ دائود ۽ ان جا چار ٻار شامل آهن. واقعي جي اطلاع ملڻ تي امدادي ٽيمون واقعي واري هنڌ پهتيون ۽ لاشن کي ملبي هيٺيان ڪڍي اسپتال منتقل ڪيو. ليويز ذريعن جو چوڻ آهي ته واقعو علائقي ۾ برسات ۽ گهر جي زبون حالي سبب پيش آيو آهي