ڪراچي : پي ٽي آءِ حڪومت عوام کي معاشي ۽ اخلاقي بحرانن کانسواءِ ڪجهه ناهي ڏنو، وزيراعظم لڄالٽ واقعن بابت پنهنجو بيان واپس وٺي متاثرن کان معافي وٺي، سنڌ حڪومت جَي ترجمان مرتضيٰ وهاب چيو آهي ته ڪجهه ڏينهن اڳ پي ٽي آءِ جا وزير ٻٽاڪون هڻي رهيا هئا ته ڪڻڪ جو بمپر فصل ٿيو آهي، اُهي وزير ٻڌائين ته بمپر فصل ڪاڏي ويو جو وفاقي ڪابينا ڪڻڪ امپورٽ ڪرڻ جو فيصلو ڪيو آهي، پي ٽي آءِ سرڪار مقامي آبادگار نه، پر امپورٽرز کي فائدو ڏيڻ جو فڪر آهي.
