لاهور: فلم هير رانجها سميت 150 کان وڌيڪ فلمن ۾ اداڪاري جا جوهر ڏيکاريندڙ ناليواري اداڪاره فردوس بيگم لاڏاڻو ڪري ويئي .
خانداني ذريعن موجب فردوس بيگم کي 3 ڏينهن اڳ برين هيمرج ٿيو هو جنهن جي ڪري هوءَ خانگي اسپتال ۾ علاج هيٺ هئي .
ماضي جي اداڪاره فردوس بيگم جي عمر 73 سال هئي ۽ هن پونئرن ۾ 2 ڌيئر ۽ هڪ پٽ ڇڏيو آهي .
اداڪاره فردوس بيگم کي پاڪستان فلم انڊسٽري جي ”هير“ به سڏيو ويندو آهي ، هن 160 کان وڌيڪ فلمن ۾ ڪم ڪيو آهي.
فردوس بيگم فلم ”ملنگي“ ، ”هير رانجها“ ، ”انسانيت“ سميت ڪيترين ئي فلمن ۾ اداڪاري جا جوهر ڏيکاريا .