ڪراچي (رپورٽر) سنڌ حڪومت سنڌ هاءِ ڪورٽ جي حڪم تي معذورن کي ڪوٽا تحت نوڪريون ڏيڻ شروع ڪري ڇڏيو آهي، چيف سيڪريٽري سنڌ 25 معذورن کي مختلف کاتن ۾ نوڪرين جا آفر آرڊر ڏنا. سنڌ هاءِ ڪورٽ جي حڪم تي سنڌ حڪومت معذور ماڻهن کي سرڪاري نوڪرين ۾ 5 سيڪڙو ڪوٽا تحت نوڪريون ڏيڻ جو سلسلو شورع ڪري ڇڏيو آهي. سنڌ سيڪريٽريٽ ۾ منعقد ڪيل تقريب دوران سنڌ جي چيف سيڪريٽري ممتاز علي شاهه اکين جي نور کان محروم 25 ڄڻن کي مختلف کاتن ۾ نوڪرين جا آفر آرڊر ڏنا.
