راولپنڊي: ڪراچي ۾ برسات کانپوءِ پيدا ٿيل ٻوڏ واري صورتحال کي منهن ڏيڻ لاءِ سول انتظاميا جي مدد لاءِ فوج کي طلب ڪيو ويو آهي .
آءِ ايس پي آر موجب ڪراچي ۾ اربن فلڊنگ جي خطري سبب سول انتظاميا جي مدد لاءِ پاڪ فوج کي گهرايو ويو آهي .
ان کان اڳ ۾ وزيراعظم اين ڊي ايم اي کي ڪراچي جي صفائي ۽ پاڪ فوج کي ان جي مدد لاءِ هدايت جاري ڪندي چيو هو ته ڪراچي جي عوام کي ڏکي گهڙين ۾ اڪيلو نه ڇڏينداسين .
وزيراعظم عمران خان اين ڊي ايم اي ڪراچي ۾ برساتي نالن جي صورتحال جي باري ۾ تفصيلي جائزي رپورٽ پيش ڪرڻ جي به هدايت ڪئي هئي .
ان حوالي سان وزيراعظم پنهنجي ٽوئيٽ ۾ چيئرمين اين ڊي ايم اي کي فوري ڪراچي پهچڻ ۽ شهر ۾ صفائي جو عمل فوري شروع ڪرڻ جڏهن ته پاڪ فوج کان ان ۾ مدد جي هدايت ڪئي هئي.