اسلام آباد ؛حڪومت اپوزيشن کي رستو ڏئي ۽ ڊائلاگ جي شروعات ٿيڻ گهرجي، وفاقي وزير فواد چوڌري اپوزيشن سان ڳالهيون شروع ڪرڻ جي تجويز ڏئي ڇڏي، فواد چوڌري چيو آهي ته لاهور واري جلسي ۾ ناڪامي بعد اپوزيشن جو بيانيو عملي طور دم ٽوڙي ويو آهي، حڪومت کي گهرجي ته اپوزيشن کي رستو ڏئي، وفاقي وزير شبلي فراز چيو آهي ته پي ڊي ايم وارا نه آر ٿيا ۽ نه پار، رڳو خوار ٿيا آهن، لاهور وارو جلسو هڪ فلاپ شو هو، ڪراچي واري جلسي ۾ مزارِ قائد جي بيحرمتي ڪئي وئي، ڪوئيٽا ۾ پاڪستان ٽوڙڻ جو پيغام ڏنو ويو، لاهور واري جلسي ۾ وري لاهورين کي غداري ڪوٺيو ويو.
