صورتحال غير امڪاني ٿئي ته ايران تي پهريان کان وڌيڪ وڏا ۽ طاقتور حملا ڪيا ويندا: ٽرمپ جي نئين ڌمڪي
واشنگٽن: آمريڪي صدر ڊونلڊ ٽرمپ ايران سان جاري ڇڪتاڻ جي حوالي سان هڪ دفعو ٻيهر سخت بيان ڏيندي خبردار ڪيو آهي ته جيڪڏهن ڪنهن به سبب جي ڪري صورتحال غير امڪاني ٿئي ته ايران تي پهريان کان وڌيڪ، وڏا ۽ طاقتور حملا ڪيا ويندا.
سوشل ميڊيا تي جاري ڪيل پنهنجي بيان ۾ ٽرمپ چيو ته ڪنهن به امڪاني معاهدي تائين آمريڪي بحري جهاز، جهاز ۽ فوجي اهلڪار ايران جي چوڌاري موجود رهندا ته جيئن ڪنهن به هنگامي صورتحال کي فوري طور تي منهن ڏئي سگهجي. هن واضح ڪيو ته جيڪڏهن حالتون خراب ٿيون ته امريڪا ٻيهر ڪارروائي ڪرڻ کان نه گهٻرائيندو، پر هن ڀيري حملا پهريان کان به وڌيڪ شديد هوندا. آمريڪي صدر وڌيڪ چيو ته اها ڳالهه اڳ ئي طئي ٿي چڪي آهي ته ايران کي ايٽمي هٿيار حاصل ڪرڻ جي اجازت نه ڏني ويندي. هن چيو ته آمريڪي فوج مڪمل طور تي تيار آهي جيڪا پنهنجي ٻئي ڪاميابي جي لاءِ به پرعزم آهي.
آمريڪي صدر ڊونلڊ ٽرمپ جي اهڙي بيان خطي ۾ ڇڪتاڻ کي هڪ دفعو ٻيهر وڌائي ڇڏيو آهي جڏهن ته مبصرين موجب اهڙي طرح جا بيان جاري امن ڪوششن کي متاثر ڪري سگهن ٿا ۽ صورتحال کي وڌيڪ ڏکيو بنائي سگهن ٿا.
تبصرے بند ہیں۔