لودهران: لودهران ۾ تيز گام ايڪسپريس جون 4 بوگيون پٽڙي تان لهڻ سبب 25 ڄڻا زخمي ٿي پيا. رپورٽ موجب تيز گام ايڪسپريس جون 4 بوگيون پٽڙي تان لهڻ جو واقعو پنجاب جي ضلعي لودهران جي علائقي آدم واهن جي ڀرسان پيش آيو جنهن جي نتيجي ۾ 25 ڄڻا زخمي ٿي پيا.
انهي حوالي سان ڊپٽي ڪمشنر ٻڌايو ته زخمين مان 17 مسافرن کي شروعاتي طبي امداد کان پوءِ ڊسچارج ڪيو ويو جڏهن ته 8 مسافر ڊي ايڇ ڪيو ۾ علاج هيٺ آهن جن جي حالت ڳڻتي جوڳي ٻڌائي پئي وڃي.
ٻئي طرف اسٽيشن ماسٽر جو چوڻ آهي ته تيز گام کي 5 بوگين سان گڏ ڪراچي روانو ڪيو ويو آهي جڏهن ته ڊائون ٽريڪ تي ڪراچي ويندڙ ٽرينن کي لودهران اسٽيشن تي روڪيو ويو آهي.
تبصرے بند ہیں۔