راولپنڊي: آرمي چيف جنرل عاصم منير ڀارت کان واپس موڪليل ٻن ٻارن جي علاج جي ذميواري کڻي ورتي. ٻارن جي پيءُ آرمي چيف جو شڪريو ادا ڪيو.
تفصيل موجب آرمي چيف جنرل عاصم منير ڀارت کان واپس موڪليل ٻن پاڪستاني ٻارن جي علاج جي ذميواري کڻي ورتي.
پيءُ شاهد احمد چيو ته ڀارت ٻارن سان غير انساني سلوڪ ڪيو ۽ انهن کي علاج کان سواءِ پاڪستان واپس موڪليو. مان آرمي چيف جو شڪرگذار آهيان ته منهنجي ٻارن کي فوري علاج جون سهولتون فراهم ڪيون. اي ايف آءِ سي راولپنڊي ۾ ٻارن جو علاج اميدن کان وڌيڪ ٿي رهيو آهي. ٻارن کي پنهنجي علاج جي حوالي سان ڪنهن به قسم جي پريشاني کي منهن نه پيو ڏئي.
اي ايف آءِ سي ڊاڪٽر محبوب سلطان چيو ته اسان وٽ 9 ورهين جو عبدالله ۽ 7 ورهين جي منسا علاج هيٺ آهي. ٻئي ٻار پيدائشي دل جي بيماري ۾ مبتلا آهن. ٻارن جي دلين ۾ سوراخ ۽ ڦڦڙن جون نلڪا ڪمزور آهن.
ڊاڪٽر محبوب سلطان چيو ته ٻنهي ٻارن جي مرحلن ۾ سرجري ڪئي ويندي ۽ سرجري جو پهريون مرحلو ايندڙ ڪجهه ڏينهن ۾ مڪمل ڪيو ويندو. منهنجي خيال ۾ انهن ٻارن کي علاج لاءِ ٻاهر وڃڻ جي ضرورت ناهي.
برگيڊيئر ڊاڪٽر خرم اختر چيو ته اي ايف آءِ سي پاڪستان آرمي جو ”جديد ترين“ اسپتال آهي. اسان وٽ جيڪي ٻار ايندا آهن انهن جي علاج لاءِ سڀ سهولتون هونديون آهن. اهي ٻار پيچيده بيمارين ۾ مبتلا آهن ڇاڪاڻ ته انهن جي ڦڦڙن جون نلڪيون ننڍيون آهن. اسين انهن ٻارن تي مرحليوار سرجريون ڪنداسين. هي علاج مڪمل طور تي بين الاقوامي معيارن ۽ ضابطن جي مطابق آهي.