پاڪستان پاران عالمي برادري کان دهشتگردن جي قبضي هيٺ هٿيارن جي خلاف ڪارروائي جو مطالبو
اسلام آباد: پاڪستان عالمي برادري کان دهشتگردن جي قبضي هيٺ هٿيارن جي خلاف ڪارروائي جو مطالبو ڪري ڇڏيو آهي.
گڏيل قومن جي سلامتي ڪونسل جي آريا فارمولا اجلاس ۾ پاڪستان نام نهاد بلوچ لبريشن آرمي، مجيد بريگيڊ ۽ پابندي مڙهيل ٽي ٽي پي سميت ٻين دهشتگرد گروپن جي جديد ۽ غير قانوني هٿيارن جي استعمال تي ڳڻتي جو اظهار ڪيو.
پاڪستاني مشن جي قونصلر سيد عاطف رضا اجلاس کي خطاب ۾ چيو ته دهشتگرد گروپن وٽ افغانستان ۾ ڇڏيل اربين ڊالر ماليت جا غيرقانوني هٿيار موجود آهن جيڪي پاڪستان جي شهرين ۽ هٿياربند فوج جي خلاف استعمال ٿي رهيا آهن، دهشتگرد تنظيمن کي مخالف ملڪن جي بيروني امداد ۽ مالي مدد به حاصل آهي.
پاڪستاني قونصلر مطالبو ڪيو ته عالمي ڀائيوار افغانستان ۾ ڇڏيل هٿيارن جي ذخيرن کي بازياب ڪرائين ۽ دهشتگرد گروپن جي هٿيارن تائين پهچ کي روڪيو وڃي، غيرقانوني هٿيارن جي بليڪ مارڪيٽنگ کي بند ڪرڻ جي لاءِ بهتر قدم کنيا وڃن