ڪراچي : شوبز انڊسٽري جي مشهور اداڪار احد رضا مير انڪشاف ڪيو آهي ته ڊراما سيريل ”يقين ڪا سفر“، جيڪو هن پنهنجي اڳوڻي زال، اداڪاره سجل علي سان ڪيو، سندس زندگي بدلائي ڇڏي.اداڪار احد رضا مير تازو ئي هڪ ڊجيٽل پليٽ فارم تي هڪ آن لائن انٽرويو ڏنو.احد رضا مير هڪ آن لائن انٽرويو دوران پنهنجي ذاتي ۽ پيشه ورانه زندگي سان لاڳاپيل ڪيترن ئي سوالن جا جواب ڏنا.ان موقعي تي هڪ سوال جي جواب ۾ هن چيو ته ڊراما سيريل ‘يقين ڪا سفر’ ۾ ڪم ڪرڻ منهنجي لاءِ بهترين تجربو هو. اداڪار چيو ته هن ڊرامي منهنجي زندگي بدلائي ڇڏي، اهو منهنجو پهريون شو هو، مان هن ڊرامي کان پوءِ مليل پيار لاءِ تيار نه هوس، مون پنهنجي طرفان بهترين ڪوشش ڪئي.هن چيو ته هن ڊرامي ۾ منهنجو ڪردار ڊاڪٽر اسفند يار اڃا تائين ياد ڪيو ويندو آهي ۽ مان ان لاءِ تمام گهڻو خوش آهيان.
