اسلام آباد: موسميات کاتي ملڪ ۾ برساتن جي نئين سلسلي جو امڪان ظاهر ڪري ڇڏيو.
موسميات کاتي موجب 25 کان 27 مارچ دوران مٿانهن ۽ وچين علائقن ۾ برسات جو امڪان آهي، جڏهن ته جبلن تي برفباري جو به امڪان آهي.
موسميات کاتي جو چوڻ آهي ته بونير، دير، مالاڪنڊ، صوابي، چارسدا، ايبٽ آباد ۽ پشاور ۾ 25 کان 27 مارچ دوران برسات جو امڪان آهي، جڏهن ته 25 کان 26 مارچ دوران ڪرڪ، لڪي مروت، وزيرستان ۽ ڊي آءِ خان ۾ به برسات جو امڪان آهي، ان دوران برفباري سان گڏ ڳڙو به پئجي سگهي ٿو.
موسميات کاتي موجب 25 کان 27 مارچ دوران اسلام آباد، مري، گليات ۾ به برسات ۽ برفباري جو امڪان آهي، جڏهن ته ان دوران وچ پنجاب ۾ به برسات جو امڪان آهي.
25 ۽ 26 مارچ دوران سنڌ ۾ موسم جهڙالي ۽ هوائون گهلڻ جو امڪان آهي، جڏهن ته ڪوئيٽه، زيارت، زوب، موسيٰ خيل، چمن ۽ مستونگ سميت مختلف شهرن ۾ برسات جو امڪان آهي.