اسلام آباد : اقتصادي رابطا ڪميٽي آءِ سي سي چئمپينز ٽرافي سان لاڳاپيل ضروري انڪم ٽيڪس تي ڇوٽ ڏئي ڇڏي آهي. ناڻي واري وفاقي وزير محمد اورنگزيب جي صدارت هيٺ اقتصادي رابطا ڪميٽي جي اجلاس ۾ اهم معاشي فيصلن جي منظوري ڏني وئي. پڌرائي موجب اجلاس ۾ آءِ سي سي چئمپينز ٽرافي سان لاڳاپيل ضروري انڪم ٽيڪس جي ڇوٽ منظور ڪئي وئي. پڌرائي موجب پي سي بي ۽ آءِ سي سي کي انڪم ٽيڪس ۾ ڇوٽ ڏيندا، انڪم ٽيڪس جي ڇوٽ چئمپينز ٽرافي جي انعامن ۽ آمدني تي لاڳو هوندي. پڌرائي ۾ چيو ويو آهي ته چئمپينز ٽرافي ۾ سيلز ٽيڪس ۽ فيڊرل ايڪسائيز ڊيوٽي جي ڇوٽ نه هوندي.اجلاس ۾ ڪويت مان ٻڪريون ۽ رڍون برآمد ڪرڻ جي سمري تي غور ملتوي ڪيو ويو، جڏهن ته توانائي واري وزارت لاءِ 6 ڏهائي 8 ارب رپين جي سپليمينٽري گرانٽ منظور ڪئي وئي.
