اسلام آباد: وزيراعظم شهباز شريف چيو آهي ته ترقي جي سفر ۾ پاڪستان ۽ چين اهم ڀائيوار آهن، چين سان ويجها لاڳاپا اسان جي پرڏيهي پاليسي جو اهم حصو آهن.
چين جي نئين سال جي موقعي تي پنهنجي وڊيو پيغام ۾ وزيراعظم شهباز شريف چيو ته پاڪستان جي حڪومت ۽ عوام طرفان صدر شي جن پنگ، چين جي پاڙيسري عوام ۽ پاڪستان ۾ موجود اسان جي چيني دوستن کي نئين سال جي پرمسرت موقعي تي دل جي گهرائين سان مبارڪباد پيش ڪريان ٿو.
هن چيو ته گذريل 6 ڏهاڪن دوران چين جو ترقي جو سفر چيني صدر شي جن پنگ جي دانشمندي جو اهم ثبوت آهي، هن چيو ته چين جي ڪاميابي جي ڪهاڻي اسان کي تحريڪ ۽ محنت جي ترغيب ڏئي ٿي، پاڪستان ۽ چين جي وچ ۾ دوستي جو هڪ اڻٽٽ رشتو آهي جيڪو لاڳيتو وڌيڪ مضبوط ٿي رهيو آهي، گڏيل ڀروسي ۽ گڏيل خواهشن سان جڙيل اسان جا ويجها لاڳاپا هاڻ هڪ مضبوط ڀائيواري ۾ تبديل ٿي چڪا آهن، پاڪستان جي پرڏيهي پاليسي اهم جز آهي.
وزيراعظم چيو ته چين ۾ نئين سال جي موقعي تي ماڻهو پنهنجي خاندانن ۽ دوستن سميت روايتي کاڌن، تحفن جي ڏي وٺ ڪرڻ ۽ ايندڙ سال لاءِ برڪتن کي گهرائڻ لاءِ جمع ٿيندا آهن.
شهباز شريف چيو ته اسان گڏجي عالمي امن، خوشحالي ۽ هم آهنگي لاءِ گڏيل ڀائيواري ڪندا آهيون، دعا آهي ته اهو سال اسان جي ٻن عظيم قومن لاءِ خوش نصيبي ۽ لاڳيتو ڪاميابيون آڻي ۽ اسان ٻنهي وچ ۾ اڻٽٽ رشتن کي وڌيڪ مضبوط ڪري.