قصور: هڪ ناياب نسل جي ڳئون ڀارت مان سرحد پار ڪري پاڪستان پهچي وئي، جنهن کي اختيارين پڪڙي ورتو.
ناياب نسل جي نيل ڳئون ڀارت مان سرحد پار ڪري قصور ضلعي جي ڳوٺ گنڊا سنگهه والا پهچي وئي، اطلاع ملڻ تي وائلڊ لائف کاتو ۽ رينجرز اختياريون اتي پهچي ويون، وائلڊ لائف کاتي جي ٽيم پاڪ رينجرز جي اهلڪارن جي مدد سان نيل ڳئون پڪڙي ورتي.
اختيارين موجب قيمتي ۽ ناياب نسل جي ڳئون جي موجودگي تي آپريشن ڪيو ويو، ان کي حفاظت سان ڇانگا مانگا جهنگ منتقل ڪيو ويندو.
