واشنگٽن : اڳوڻو امريڪي صدر جمي ڪارٽر 100 ورهين جي ڄمار ۾ لاڏاڻو ڪري ويو.امريڪي ميڊيا موجب، جمي ڪارٽر آچر ڏينهن منجهند ٻئي وڳي پنهنجي گهر ۾ دم ڏنو.جارجيا جي مڱيرن جو آبادگار جمي ڪارٽر امريڪا جو 39 هون صدر هو، سندس تعلق ڊيموڪريٽڪ پارٽي سان هو، هن 1977 کان 1981 تائين امريڪا جي صدر طور ذميواريون نڀايون.جمي ڪارٽر کي 2002 ۾ امن جي ڪوششن تي نوبل جي انعام سان به نوازيو ويو.ٻئي پاسي امريڪي صدر جوبائيڊن اڳوڻي صدر جمي ڪارٽر جي سرڪاري اعزاز سان تدفين جو اعلان ڪيو آهي
