ڪرڪ: خيبرپختونخواهه جي ضلعي ڪرڪ ۽ صوابي ۾ فائرنگ جي ٻن واقعن ۾ 2 پوليس اهلڪار مارجي ويا ۽ هڪ زخمي ٿي پيو،ڪرڪ ضلعي ۾ پوليو ٽيم تي فائرنگ جو واقعو پيش آيو آهي، جنهن جي نتيجي ۾ هڪ پوليس اهلڪار مارجي ويو ۽ ٻيو زخمي ٿي پيو.هوڏانهن صوابي ۾ نامعلوم موٽرسائيڪل سوار جوابدارن جي فائرنگ ۾ پوليس اهلڪار مارجي ويو، فائرنگ جو واقعو فارمولا ٿاڻي جي حد ۾ پيش آيو، مارجي ويل پوليس اهلڪار جو لاش اسپتال منتقل ڪيو ويو، پوليس جوابدارن جي ڳولا شروع ڪري ڇڏي آهي.
