ڪراچي: موسميات کاتي ڪراچي شهر ۾ سڀاڻي کان تيز هوائون گهلڻ جو امڪان ظاهر ڪري ڇڏيو.
موسميات کاتي جو چوڻ آهي ته خميس ۽ جمعي تي شهر ۾ تيز هوائون گهلڻ جو امڪان آهي، جڏهن ته بوندا باندي ۽ هلڪي برسات به ٿي سگهي ٿي.
موسميات کاتي موجب شهر ۾ ايندڙ ٽي ڏينهن موسم جهڙالي ۽ بوندا باندي يا هلڪي برسات جو به امڪان آهي، ان دوران وڌ کان وڌ گرمي پد 30 کان 32 ڊگري سينٽي گريڊ تائين رهي سگهي ٿو.
موسميات کاتي جو چوڻ آهي ته سنڌ جي مختلف حصن ۾ موسم گرم رهندي، جڏهن ته سامونڊي پٽي ۾ به بوندا باندي ۽ هلڪي برسات جو امڪان آهي.
