لاهور: پنجاب جي صحت کاتي ڪورونا وائرس جي وڌندڙ ڪيسن سبب لاهور جي وڏين اسپتالن کي هنگامي الرٽ جاري ڪري ڇڏيو آهي.
پنجاب جي صحت کاتي پاران جاري ڪيل نوٽيفڪيشن ۾ ايڪسپو فيلڊ اسپتال کي ٻيهر فعال ڪرڻ جي هدايت ڪئي وئي آهي. نوٽيفڪيشن ۾ لکيو ويو آهي ته ايڪسپو سينٽر جو هال نمبر 2 ڪورونا مريضن جي لاءِ فوري طور تي فعال ڪيو وڃي.
آڪسيجن جي گهٽتائي کي منهن ڏيندڙ مريض فيلڊ اسپتال ۾ داخل ٿيندا. لاهور جي 4 وڏين اسپتالن کي هاءِ ڊيپنڊنسي يونٽس ۽ آءِ سي يو فعال رکڻ جون هدايتون به جاري ڪيون ويون آهن.
نوٽيفڪيشن موجب ميو اسپتال، سروسز اسپتال، جناح اسپتال ۽ لاهور جي جنرل اسپتال کي ڪورونا ڪيسن جي لاء تيار رهڻ جي هدايت ڪئي وئي آهي.