اسلام آباد : وزيراعظم شهباز شريف چيو آهي ته فلسطيني عوام جي آزادي، وقار ۽ خوشحالي پاڪستان لاءِ بنيادي اهميت رکي ٿي. سماجي رابطن واري ويب سائيٽ ايڪس تي جاري ڪيل بيان ۾ شهباز شريف چيو ته هاڻي هو شرم الشيخ ۾ غزا امن سربراهي اجلاس ۾ شرڪت کانپوءِ وطن واپسي لاءِ جهاز ۾ سوار ٿي رهيو آهي. سندس چوڻ هو ته هو امڪاني طور تي هن وڏي تبديلي جي نوعيت بابت پنهنجا ڪجهه تاثر ٻڌائڻ چاهي ٿو ته اهو ڪيئن ممڪن ٿيو ۽ پاڪستان کي ڇو هن سان لاڳاپو رهيو آهي. وزيراعظم چيو ته پاڪستان جي سڀ کان اهم ترجيح غزا تي مڙهيل نسل ڪشي جي مهم کي فوري طور روڪڻ هو، ٻين ڀاءُ قومن سان گڏجي هن ترجيح جي تسلسل کي بيان ڪيو ويو ۽ هٿي وٺرائي وئي. شهباز شريف چيو ته هو ان ڳالهه جي بنياد تي آهي ته صدر ٽرمپ جا ٿورائتا آهن ته هو ان کي روڪيندو ۽ واعدي کي پورو ڪندو، هو امن لاءِ آمريڪي صدر جي نرالي ڪردار جي ساراهه ڪندا رهندا. هن چيو ته فلسطيني عوام جي آزادي، وقار ۽ خوشحالي پاڪستان لاءِ بنيادي اهميت رکي ٿي. وزيراعظم چيو ته انشاءَ الله 1967ع کان اڳ واري سرحدن سان ۽ القدس الشريف جي گادي واري شهر، هڪ مضبوط ۽ قابل عمل فلسطيني رياست جي قيام، پاڪستان جي وچ اوڀر جي پاليسي جو بنياد آهي ۽ رهندو.
