ممبئي : بالي ووڊ اداڪار سيف علي خان ۽ ڪرينا ڪپور جي گهر تي ڦر جي ڪوشش ڪئي وئي، مزاحمت ڪرڻ تي اداڪار زخمي ٿي پيا.ڀارتي ميڊيا رپورٽن موجب سيف علي خان مزاحمت دوران زخمي ٿي پيو، جنهن کي ليلاوتي اسپتال منتقل ڪيو ويو آهي. اهو واقعو صبح جو 2:30 وڳي ممبئي جي باندرا ۾ اداڪار جي گهر ۾ پيش آيو.ڀارتي ميڊيا موجب اڻڄاتل شخص سيف علي خان جي گهر ۾ چوري جي ارادي سان داخل ٿيڻ جي ڪوشش ڪئي پر سيف علي خان مزاحمت ڪرڻ تي جوابدار فرار ٿي ويا.رپورٽن مطابق اداڪار تي چاقو سان حملو ڪيو ويو، جنهن جي نتيجي ۾ هو زخمي ٿي پيو، جڏهن ته گهرڀاتين کي ڪوبه نقصان نه پهتو.
