اسلام آباد: تحريڪ انصاف جي ڪالهه واري احتجاج کي نظر ۾ رکندي اڄ فيض آباد پل کان اسلام آباد ويندڙ ۽ ايندڙ رستا بند ڪيا ويا.اسلام آباد ۾ داخل ٿيڻ لاءِ ايڪسپريس وي کي کوليو ويو آهي، جڏهن ته زيرو پوائنٽ پل جي هيٺ ڪنٽينر رکيا ويا آهن ۽ وفاقي راڄڌاني ۾ ميٽرو بس سروس به معطل ڪئي وئي آهي.اسلام آباد ۽ لاهور ۾ موٽر ويز جا سمورا انٽري پوائنٽس به بند آهن، ٺوڪر نياز بيگ، بابو صابو انٽرچينج، سگين پل ۽ شاهدره چوڪ لاهور کان اسلام آباد تائين به بند آهن، رنگ روڊ به 2 ڏينهن لاءِ بند آهي،ان کان علاوه پنجاب جي اڪثر شهرن ۾ ٻين شهرن ڏانهن ويندڙ بسن جا اڏا به بند ڪيا ويا آهن،روڊ بند ٿيڻ سبب شهري سخت پريشاني جو شڪار آهن.ذريعن موجب اسلام آباد جا سمورا داخلا رستا رات 12 وڳي مڪمل طور بند ڪيا ويا ۽ شهر جي داخلي رستن تي انتظاميا ۽ پوليس اهلڪارن جي تعينات جو سلسلو جاري آهي.
