ڪراچي: ساحلي پٽي ۾ طوفاني هوائن دوران بجلي جا پول ۽ ٽاور ڪِري پيا، ڪيترن ئي علائقن کي بجلي جي فراهمي بند ٿي وئي
حيسڪو ترجمان جو چوڻ آهي ته گولاڙچي، عمرڪوٽ ۽ بدين ضلعن ۾ 18 فيڊر ٽرپ ٿي ويا، طوفاني هوائن دوران سجاول گرڊ اسٽيشن جو ٽاور ۽ چوهڙ جمالي ۾ بجلي جا پول ڪِري پيا
132 ڪي وي سجاول لاڏيون ٽرانسميشن لائين جو سرڪٽ ايس جي ڊبليو ٽو ٽرپ ٿي ويو، ٽاور لوڪيشن نمبر 3 ڪِرڻ سبب لاڏيون گرڊ اسٽيشن کي بجلي جي فراهمي بند ٿي وئي، حيسڪو جو عملو موجود آهي، پر خراب موسم ۽ طوفاني هوائن سبب مرمتي ڪم ۾ ڏکيائيون ٿي رهيون آهن
طوفاني هوائن سبب عمرڪوٽ ۽ بدين گرڊ اسٽيشنز جا 14 فيڊر ٽرپ ٿي ويا، چوهڙ جمالي ۾ 12 پول ڪرڻ سبب ڪيترن ئي علائقن جي بجلي بند ٿي وئي، بجلي بند هجڻ سبب ساحلي پٽي جي ماڻهن جا اهنج ٻيڻا ٿي ويا