پي ڊي ايم قيادت جي سڏ تي سپريم ڪورٽ آڏو ڌرڻو هڻڻ لاءِ ڪارڪن ريڊ زون ۾ داخل ٿي ويا، جي يو آءِ جي انصار الاسلام ۽ ٻين جماعتن جا ڪارڪن شاهراهه دستور جي گيٽ ٽپي ريڊ زون ۾ داخل ٿيا، ڪارڪن هاڻ سپريم ڪورٽ سامهون پهچي ويا آهن
پي ڊي ايم سربراهه مولانا فضل الرحمان، نواز ليگ جي نائب صدر مريم نواز ۽ ٻيا اڳواڻ اسٽيج تي پهچي ويا، سپريم ڪورٽ اڳيان ڌرڻو جاري آهي
پوليس سيرينا چوڪ وارو بند پيل رستو کولي ڇڏيو، سپريم ڪورٽ ٻاهران ايف سي ۽ پوليس جا اضافي اٽالا مقرر ڪيا ويا آهن
سنڌ ۽ پنجاب جي مختلف شهرن مان نڪتل قافلا به اسلام آباد پهچي ويا، فيض آباد وٽان سمورا قافلا مرڪزي قافلي ۾ شريڪ ٿي اسلام آباد ۾ داخل ٿي رهيا آهن
پوليس ذريعن جو چوڻ آهي ته پي ڊي ايم قيادت کي سپريم ڪورٽ جي انٽري پوائنٽ وٽ ڌرڻو نه هڻڻ لاءِ چيو ويو آهي، ڌرڻي جي اسٽيج اليڪشن ڪميشن ۽ وزيراعظم هائوس آڏو لڳائڻ تي ڪو به اعتراض نه هوندو